Xəbərlər
Milli Məclisin deputatı Asif Əsgərov şəhid ailəsini ziyarət edib
Milli Məclisin deputatı Asif Əsgərov Zaqatala rayonunda şəhid ailələri və seçicilərlə görüş keçirib.
Əvvəlcə millət vəkili şəhid Natiq Mahmudovun ailəsini ziyarət edərək onların qayğıları ilə maraqlanıb. O, bu kateqoriyadan olan şəxslərin daim diqqətdə saxlanacağını bildirib, həmçinin şəhidin döyüş yolundan bəhs edib.
Daha sonra Asif Əsgərov rayonun Zəyəm kəndində seçicilərlə görüş keçirib. Görüşdə YAP Zaqatala rayon təşkilatının sədri Fərid Ramazanov, kəndin icra nümayəndəsi və məktəb direktoru iştirak ediblər.
Görüşdə seçicilərin müraciətləri dinlənilib, qaldırılan məsələlərin bir qismi qanunvericiliyin tələblərinə müvafiq olaraq yerindəcə həllini tapıb, digərləri isə aidiyyəti qurumlara yönləndirilib.
Sonda şəhid ailəsi və kənd sakinləri onlara göstərilən diqqət və qayğıya görə ölkə rəhbərliyinə minnətdarlıqlarını ifadə ediblər.
