Xəbərlər
Bakı-2015 Avropa Oyunlarında yarışların 6-cı günü başlayıb
Bakıda ilk Avropa Oyunları çərçivəsində yarışların altıncı günü başlayıb.
Bu gün aerobika gimnastikası, akrobatika gimnastikası, kamandan oxatma, atıcılıq, boks, bədii gimnastika, batut gimnastikası, stolüstü tennis, taekvondo, voleybol, çimərlik voleybolu, su polosu və kişilər arasında sərbəst güləş üzrə yarışlar keçiriləcək.
I Avropa Oyunlarının altıncı günündə 11 dəst medal oynanılacaq: biri kamandan oxatma, biri bədii gimnastika, 3-ü atıcılıq, 2-si taekvondo, 4-ü isə sərbəst güləşdə.
Azərbaycanlı idmançılar stolüstü tennisdən başqa, gün ərzində keçiriləcək bütün yarışlarda iştirak edəcəklər.