Xəbərlər
Ziyad Səmədzadə: Yeni qanun Azərbaycanda qiymətli kağızlar bazarının inkişafına təkan verəcək
“Qiymətli kağızlar bazarı haqqında” qanun vacib hüquqi sənəddir. Bu fikri Milli Məclisin İqtisadi siyasət komitəsinin sədri Ziyad Səmədzadə deyib.
Z.Səmədzadə bildirib ki, yeni qanun Azərbaycanda qiymətli kağızlar bazarının inkişafına təkan verəcək. Onun sözlərinə görə, bu sənəd, həmçinin, bazarın iştirakçılarının hüquqlarının və qiymətli kağızlarla bağlı sövdələşmələrin hüquqi qiymətləndirilməsinin təminatına yönəldilib.
«Azərbaycan iqtisadiyyatı inkişaf edir. Belə bir şəraitdə qiymtəli kağızlar bazarının inkişafı da diqqət mərkəzində. Bu baxımdan, yeni qanun layihəsi böyük əhəmiyyət kəsb edir»- deyə, komitə sədri vurğulayıb.