YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

BƏƏ-nin etibarlı rezident vizasına malik şəxslər Azərbaycana səfər etmək üçün turist vizasını hava limanında ala biləcək

İyulun 26-dan etibarən Birləşmiş Ərəb Əmirliklərinin etibarlı rezident vizasına malik şəxslər Azərbaycana turist vizalarını ölkəmizin beynəlxalq statuslu hava limanlarında əldə edə biləcəklər.

Bu qərara əsasən, BƏƏ-nin etibarlı rezident vizasını daşıyan şəxslər viza rəsmiləşdirilməsi üçün Azərbaycan Respublikasının Birləşmiş Ərəb Əmirliklərindəki səfirliyinə və ya Dubaydakı baş konsulluğuna müraciət etmədən ölkəmizə səfər edə bilərlər.

Onu da qeyd etmək lazımdır ki, sözügedən dəyişiklik yalnız bir aylıq turizm vizasına aiddir və digər növ viza rəsmiləşdirilmələri üçün səfirlik və ya baş konsulluğa müraciət etmək lazımdır.