Xəbərlər
Dövlət Sosial Müdafiə Fondunun gələn il üçün gəlir və xərcləri 3,5 milyard manat proqnozlaşdırılır
Dövlət Sosial Müdafiə Fondunun 2018-ci il üçün gəlir və xərcləri 3 milyard 578,8 milyon manat proqnozlaşdırılır. Bu da cari ilin müvafiq göstəricisindən 178,8 milyon manat və ya 5,3 faiz çoxdur.
Bunu Milli Məclisin bu gün keçirilən plenar iclasında 2018-ci il üzrə büdcə zərfinə daxil olan layihələrin müzakirəsi zamanı əmək və əhalinin sosial müdafiəsi nazirinin müavini İdris İsayev bildirib.
Nazir müavini qeyd edib ki, növbəti ildə əhaliyə ödənişlər fondun xərclərinin 97,7 faizi səviyyəsində və ya 3 milyard 495,1 milyon manat proqnozlaşdırılır.