Xəbərlər
Rasim Musabəyov: İşğalçı Ermənistan nəticə əldə edilməməsi üçün hər cür təxribatlara əl atır
«Ermənistan-Azərbaycan münaqişəsinin həlli ilə bağlı prezidentlərin növbəti görüşü baş tutarsa bu, müsbət haldır». Bu fikri Milli Məclisin deputatı, politoloq Rasim Musabəyov deyib.
R.Musabəyov bildirib ki, amma bu görüşdən hər hansı sıçrayış gözlənilməsi çətin məsələdir. Onun sözlərinə görə, işğalçı Ermənistan nəticə əldə edilməməsi üçün hər cür təxribatlara əl atır.
«Qarşıdan NATO-nun tədbiri gəlir. Lakin Ermənistan prezidenti Serj Sarkisyan Uelsə getməyə də bilər. Çünki Sarkisyan bundan öncə NATO-nun Lissabon və Çikaqo sammitlərində də iştirak etməkdən imtina edib. Buna səbəb isə NATO-nun Azərbaycanın ərazi bütövlüyünü dəstəkləməsi olub»- deyə, politoloq qeyd edib.