Xəbərlər
Özbəkistan Transxəzər Beynəlxalq Nəqliyyat Marşrutuna qoşula bilər
Özbəkistan Transxəzər Beynəlxalq Nəqliyyat Marşrutuna (TBNM) qoşula bilər.
Bu barədə məlumat “Qazaxıstan Dəmir Yolları” milli şirkətinin saytında yer alıb.
Məlumatda bildirilir ki, Daşkənddə səfərdə olan şirkətin prezidenti Kanat Alpısbayevin “Özbəkistan Hava Yolları” SC-nin rəhbərləri ilə danışıqları zamanı dəmir yolu nəqliyyatı sahəsində qarşılıqlı əlaqələrin gələcək inkişafı məsələləri müzakirə edilib.
Tərəflər “Qazaxıstan Dəmir Yolları”nın inkişafına böyük diqqət ayırdığı Transxəzər Beynəlxalq Nəqliyyat Marşrutu üzrə Aktau və Kurık limanları vasitəsilə özbək ixrac və idxal daşımalarının təşkili imkanını müzakirə ediblər.
Transxəzər Beynəlxalq Nəqliyyat Marşrutu Çin, Qazaxıstan, Azərbaycan, Gürcüstan və Türkiyənin ərazisindən keçir və Avropaya uzanır.