Xəbərlər
Sahil Babayev: Niderland Azərbaycana son 3 ildə 340 milyon dollar investisiya yatırıb
Niderland Azərbaycana son 3 ildə 340 milyon dollar investisiya yatırıb.
Bu sözləri iqtisadiyyat nazirinin müavini Sahil Babayev Azərbaycan-Niderland biznes forumunda deyib.
Onun sözlərinə Niderlandın Azərbaycana yatırdığı investisiya 900 milyon dollardan artıqdır. Bunun 340 milyon dolları son 3 ildə yatırılıb. Niderland şirkətləri dövlət sifarişlərində də iştirak edir. Azərbaycanda 10 sifarişi öhdəliyinə götürüb.
Nazir müavini bildirib ki, biznes-forum çərçivəsində 5 memorandumun imzalanması nəzərdə tutulub. Bunlar ekologiya, təhsil, səhiyyə, treninqlərlə bağlı memorandumlar olacaq.
Qeyd edək ki, biznes forumda Niderlandın 24, Azərbaycanın isə 40 şirkəti iştirak edir.