YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

İslam Əməkdaşlıq Təşkilatının yeni Qətnaməsində Bakıda Əmək Mərkəzinin yaradılması təklifi dəstəklənib

İslam Əməkdaşlıq Təşkilatı (İƏT) Xarici İşlər Nazirləri Şurasının Səudiyyə Ərəbistanı Krallığının Ciddə şəhərində keçirilmiş 41-ci sessiyasında qəbul olunmuş iqtisadi məsələlər üzrə Qətnamədə İƏT-ə üzv ölkələr arasında əmək, məşğulluq və sosial müdafiə sahəsində əməkdaşlığın gücləndirilməsində Azərbaycanın fəallığı qeyd olunmuşdur.

Əmək və Əhalinin Sosial Müdafiəsi Nazirliyindən bildirmişlər ki, qətnamədə İƏT əmək nazirlərinin 2013-cü ildə Bakıda keçirilmiş ikinci konfransının iştirakçıları ilə görüşündə Azərbaycanın Prezidenti İlham Əliyevin irəli sürdüyü, mərkəzi qərargahı Bakı şəhərində olmaqla İƏT-in Əmək Mərkəzinin yaradılması barədə təklifi bir daha alqışlanır, bu sahədə Azərbaycanın apardığı səylərə dəstək ifadə olunur.

Həmçinin sənəddə cari ilin iyun ayının 17-18-də Bakıda keçirilmiş İƏT-in Əmək, məşğulluq və sosial müdafiə ilə bağlı Çərçivə sənədinin icrası üzrə Rəhbər Komitəsinin ilk iclasının nəticələrinin əhəmiyyəti vurğulanmışdır. Qətnamədə Çərçivə sənədindən irəli gələn məsələlərin həllində səylərin artırılmasına çağırış əksini tapmışdır.

 

DİGƏR Xəbərlər Arxiv