Xəbərlər
Cəbrayıl Fərzəliyev: Azərbaycan dövlət siyasətinin əsas prioritet istiqamətlərindən biri də gənclər siyasətidir
«Ölkəmizdə 2 fevral tarixinin Gənclər Günü kimi qeyd olunması Ulu öndər Heydər Əliyevin adı ilə bağlıdır. Azərbaycanda gənclər siyasətinin əsası məhz Heydər Əliyev tərəfindən qoyulmuşdur. Ulu öndər hakimiyyətdə olduğu müddətdə gənclər onun diqqət və qayğısını öz üzərilərində hiss etmişdir. Bu gün ölkəmizdə idarəetmə bacarığı ilə seçilən intellektual, dünyagörüşlü gənc nəsil yetişmişdir. Azərbaycan gəncliyi dünyanın ən xoşbəxt gəncidir. Çünki bu gün ölkəmizdə məhz Heydər Əliyevin gənclər siyasəti Onun layiqli davamçısı cənab Prezident İlham Əliyev tərəfindən uğurla davam etdirilir». Bu fikirləri yap.org.az saytına YAP-ın gənc fəal üzvü Cəbrayıl Fərzəliyev deyib.
C.Fərzəliyev bildirib ki, bu gün Azərbaycan dövlət siyasətinin əsas prioritet istiqamətlərindən biri də gənclər siyasətidir. Onun sözlərinə görə, gənclər siyasətini uğurla həyata keçirilməsi üçün görülən tədbirlər nəticəsində sağlam və vətənpərvər ruhda yetişən Azərbaycan gəncləri milli-mənəvi dəyərlərin qorunmasında elmi, intellektual potensialın formalaşmasında mühüm rol oynamışdır.
«Məhz bütün görülən bu tədbirlər elmli, yüksək intellektə, dünyagörüşünə malik olan gənc kadrları formalaşmasını mühüm töhfələr verməkdədir. Yüksək potensiala malik olan Azərbaycan gəncliyi idarəetmə mexanizminin daha səmərəli şəkildə həyata keçirilməsi üçün yüksək fəallıq nümayiş etdirməkdədir. Azərbaycan gənclər siyasətinin inkişafı sahəsində xeyli işlər görülmüşdür. Azərbaycan Respublikası Prezidenti yanında Gənclər Fondunun yaradılması bunu bariz nümunəsidir. Hansı ki, gənclərə bütün sahələrdə dövlət dəstəyini verməklə gənc nəslin daha sağlam, intellektual yetişməsinə şərait yaradır. Bundan əlavə "2007-2015-ci illər Azərbaycan gənclərin xaricdə təhsili üzrə Dövlət Proqramı"nın təsdiqi, 2007-ci ilin ölkədə «gənclər ili» elan olunması, "Azərbaycan gəncliyi 2011-2015-ci illırdə " dövlət proqramının qəbul olunması cənab Prezidentin gənclərə etimad və münasibətinin əyani təzahürü idi. Odur ki, biz daim cənab Prezidentin ətrafında sıx birləşməli, dövlət siyasətini dəstəklənməli və dövlətin gələcəyi naminə səylə çalışmalıyıq. Bu gün Azərbaycan gəncliyi Heydər Əliyev ideyalarına sadiqdir və Prezidentimiz cənab İlham Əliyevin etimadını doğruldacağıq»- deyə, C.Fərzəliyev qeyd edib.