Xəbərlər
“Ümummilli Lider Heydər Əliyev müstəqil Azərbaycan Konstitusiyasının müəllifidir”
Yeni Azərbaycan Partiyası (YAP) Lənkəran rayon təşkilatı və Lənkəran Dövlət Universitetinin nəzdində Sosial və Aqrar-Texnologiya Kollecinin birgə təşkilatçılığı ilə Ümummilli Lider Heydər Əliyevin anadan olmasının 102-ci ildönümünə həsr olunmuş “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusunda tədbir keçirilib.
Tədbirdə Ulu Öndər Heydər Əliyevin, eləcə də ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin əziz xatirəsi bir dəqiqəlik sükutla yad edilib. Dövlət Himni səsləndirilib.
YAP Lənkəran rayon təşkilatının əməkdaşı Yalçın Əliyev, Lənkəran Dövlət Universitetinin nəzdində Sosial və Aqrar-Texnologiya Kollecinin direktoru Leyla İbrahimova, kollecin direktor müavini Həbib Həbibi, kollecin müəllimləri Günel Abdullayeva və Ülkər Bəşirova, Lənkəran-Astara Regional Gənclər və İdman İdarəsinin rəis müavini Könül Manafov çıxış edərək bildiriblər ki, Ulu Öndər xalqımızın yaddaşında yaradıcı, qurucu və xilaskar obrazını daim yaşadıb, qəlblərdə özünə əbədi məhəbbət qazanıb. Ulu Öndərin hüquqi dövlət və vətəndaş cəmiyyəti quruculuğu, milli-mənəvi inkişaf istiqamətində gördüyü işlər bütövlükdə müstəqilliyimizin möhkəmlənməsinə yönəlib.
Həmçinin qeyd olunub ki, Ümummilli Lider Heydər Əliyevin rəhbərliyi ilə 1995-ci ildə qəbul edilmiş Azərbaycan Respublikasının Konstitusiyası müstəqil dövlətçiliyimizin hüquqi əsaslarını yaradıb və həmin sənədin hazırlanmasında Ulu Öndərin müstəsna xidmətləri olub.
