Xəbərlər
Nərimanov rayonunda seçicilərə təşviqat materilalları paylanıb
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Nərimanov rayonu, Nərimanov bələdiyyəsi üzrə Yeni Azərbaycan Partiyasının (YAP) namizədləri seçicilərlə görüşüb.
Rayon təşkilatının sədr müavini Anar Abbasov seçicilərə YAP-ın seçki proqramı haqqında seçicilərə ətraflı məlumat verib.
Bələdiyyə üzvlüyünə namizədlər Nizami Babaşov, İradə Qarayeva, Kifayət Xudaverdiyeva, Akif Vəliyev, Vüsal Cəfərli, Ülkər Piriyeva, Əliyar Həsənli, Azər Novruzov və təşviqat qrupunun üzvləri yerli özünüidarəetmənin inkişafı üçün indiyə qədər görülmüş işlərdən, gələcəkdə bələdiyyələrin qarşısında duran vəzifələrdən danışıblar.
Eyni zamanda, Nərimanov rayonu, müxtəlif ünvanlarda yaşayan seçicilərə yerlərdə seçici aktivliyinin artırılması, seçicilərlə birbaşa ünsiyyətin qurulması məqsədilə “qapı-qapı” seçki texnologiyasından geniş istifadə edilərək təbliğat-təşviqat xarakterli materiallar, bukletlər paylanıb.
Görüşlər zamanı seçicilər YAP-ın fəaliyyətini dəstəklədiklərini vurğulayıblar.
