Xəbərlər
Yeni Azərbaycan Partiyası xalqa xidmət yolunu seçib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Quba rayonu, Tüləkəran, Qəçrəş, Qonaqkənd, Birinci Nügədi, Talabıqışlaq, Alpan, Xınalıq, Vladimirovka, Digah-Xucbala bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşlərdə bələdiyyə üzvlüyünə namizədlər Varlıq Şıxbalayev, Rauf Hüseynov, Firuz Əhmədov, Əfil Dadaşov, Mahir Məmmədov, Vüqar Kərimov və digərləri çıxış edərək bildiriblər ki, ölkəmizin ərazi bütövlüyü və suverenliyinin bərpa olunması ilə yeni dövr başlanıb. Qeyd olunub ki, qazandığımız möhtəşəm nailiyyətlərin təməlində Ümummilli Lider Heydər Əliyevin uzaqgörən siyasətinin Prezident İlham Əliyev tərəfindən uğurla davam etdirilməsi dayanır.
Seçicilər Yeni Azərbaycan Partiyasına olan etimadlarını ifadə edərək partiyanın namizədlərinə səs verəcəklərini bildiriblər.
Qeyd edək ki, həmin gün Söhüb bələdiyyəsi üzrə YAP-ın namizədləri Birinci Qarabağ müharibəsi şəhidi Təbriz Tarverdiyev və İkinci Qarabağ müharibəsi şəhidi Taleh Salamovun ailəsini ziyarət ediblər.
