Xəbərlər
Göygöl seçiciləri ənənəyə sadiq qalacaqlar
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Göygöl bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşləri keçirilib.
Şəhid ailələrinin üzvləri, qazilər və müharibə veteranları ilə keçirilən ilk görüşdə YAP Göygöl rayon təşkilatının sədri Vüqar İsayev bu təbəqədən olan insanlara dövlətin qayğısından bəhs edib. O, bələdiyyələrin də həmin insanlara dəstək göstərməsinin önəmini vurğulayıb.
Seçki qərargahının üzvləri Emin Məmmədov və Dilarə Qazıyeva, bələdiyyə üzvlüyünə namizədlər Nazim Cahangirov, Pərvin Rəhimov, Zəhra Zeynalova, Sərxan Balayev və Sevinc Mustafayeva bundan sonra da şəhid ailələri, qazilər və müharibə veteranlarının qayğı ilə əhatə olunacaqlarını qeyd ediblər.
Çıxış edən seçicilər, həmçinin şəhid ailəsinin üzvü Günel Namazova, Vətən müharibəsi qazisi Allahverdi Yusifov və Şəhla Alpaşayeva bələdiyyə seçkilərində YAP-ın namizədlərinə səs verəcəklərini vurğulayıblar və deyiblər: “Göygöl seçiciləri ənənəsinə sadiq qalaraq YAP-ın namizədlərinə səs verəcəklər”.
Qeyd edək ki, YAP-ın namizədləri Mollacəlilli kəndində, Qızılqaya və Ağdağ qəsəbələrində seçicilərlə məhəllə görüşləri keçiriblər.
