Xəbərlər
Böyük və şərəfli yol
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Suraxanı rayonu Qaraçuxur və Hövsan bələdiyyələri üzrə Yeni Azərbaycan Partiyasının (YAP) namizədlərinin seçicilərlə səyyar görüşləri keçirilib.
Səyyar görüşlər Qaraçuxur qəsəbəsi, Yeni Günəşli “AB” yaşayış sahəsində namizədlər İxtiyar Nəcəfov, Kənan Qasımlı və Hövsan qəsəbəsi, Oktay Şabanov küçəsində namizəd Elburus Xəlilovun iştirakı ilə keçirilib.
Hər iki görüşdə YAP-ın namizədləri partiyanın seçki proqramları ilə seçiciləri tanış edib və gələcək planları haqqında geniş məlumat veriblər.
Görüşlər zamanı seçicilər YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcələrini vurğulayıblar.
