Xəbərlər
Nərimanovda humanitar yardım aksiyası keçirilib
Yeni Azərbaycan Partiyası (YAP) Nərimanov rayon təşkilatı və Nərimanov Rayon İcra Hakimiyyəti tərəfindən 31 Dekabr - Dünya Azərbaycanlılarının Həmrəyliyi Günü və Yeni il münasibətilə humanitar yardım aksiyası keçirilib.
Aksiya çərçivəsində YAP Nərimanov rayon təşkilatının əməkdaşları tərəfindən rayon ərazisində yaşayan 40-dan çox şəhid, qazi və aztəminatlı ailələrə bayram sovqatları təqdim olunub.
Qeyd edək ki, YAP Nərimanov rayon təşkilatı və “Baku Steel Company” QSC-nin birgə təşəbbüsü ilə keçirilən aksiya zamanı şəhid və qazi ailələrinin azyaşlı övladlarına bayram hədiyyələri təqdim olunub.
