Xəbərlər
YAP Xocavənd rayon təşkilatının nümayəndələri şəhid ailələrini ziyarət ediblər
Dünya Azərbaycanlılarının Həmrəyliyi Günü və Yeni il ərəfəsində Yeni Azərbaycan Partiyası (YAP) Xocavənd rayon təşkilatının sədri Vüsal Hüseynov və rayon təşkilatının əməkdaşları şəhid Elzamin Tağıyevin və şəhid Tural Abdullayevin ailələrini ziyarət ediblər.
Görüşlərdə ölkəmizin ərazi bütövlüyü uğrunda canlarını fəda etmiş şəhidlərimizin misilsiz qəhrəmanlığından danışılıb.
Qeyd olunub ki, dövlətin daim diqqət və qayğısı ilə əhatə olunan şəhid ailələrini ziyarət etmək və şəhidlərimizin xatirəsini ehtiramla yad etmək hər kəsin vətəndaşlıq borcudur.
Şəhid ailələri göstərilən yüksək diqqət və qayğıya görə Prezident, Müzəffər Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
