Xəbərlər
Ümummilli Liderin xatirəsi Ağdamda da anılıb
Azərbaycan xalqının Ümummilli Lideri Heydər Əliyevin vəfatının 21-ci ildönümü ilə əlaqədar Ağdam rayonunda anım mərasimi keçirilib.
Tədbirdə Ümummilli Lider Heydər Əliyevin və torpaqlarımızın azadlığı uğrunda canlarından keçən şəhidlərimizin xatirəsi bir dəqiqəlik sükutla yad edilib.
YAP Ağdam rayon təşkilatının sədri Mansur Quliyev, Ağdam Musiqi Kollecinin direktoru, Əməkdar Artist Feruz Səxavət, partiya fəalları Farid Muradov, Teymur Köçərli və digərləri çıxış edərək Ulu Öndər Heydər Əliyevin həyat və fəaliyyəti, Azərbaycan xalqının müasir dövlətçilik tarixinin formalaşmasında və inkişafında misilsiz rolu və xidmətlərindən danışıblar.
Tədbirin sonunda Ümummilli Lider Heydər Əliyevin əziz xatirəsinə həsr olunmuş bədii kompozisiya nümayiş olunub.
