Xəbərlər
Milli Məclisin deputatı Bədəl Bədəlov növbəti dəfə seçicilərlə görüşüb
Prezident İlham Əliyevin yerlərdə vətəndaş müraciətlərinə obyektiv və operativ baxılması, vətəndaş məmnunluğunun təmin edilməsi ilə bağlı müvafiq Sərəncam və tapşırıqlarına uyğun olaraq, həmçinin bu istiqamətdə dövlət siyasətini əsas tutaraq, Milli Məclisin deputatı Bədəl Bədəlov Naftalan şəhər Heydər Əliyev Mərkəzində seçicilərlə görüş keçirib.
Yeni Azərbaycan Partiyası Naftalan şəhər təşkilatının sədri Rövlan Heydərovun da iştirak etdiyi görüş zamanı millət vəkili Bədəl Bədəlov seçicilərin bir sıra məsələlərlə bağlı səsləndirdiyi müraciətləri dinləyib.
Vətəndaşların müraciətləri ilə əlaqədar məsələlərin bir çoxu yerindəcə həll edilib. Digər müraciətlər isə aidiyyatı qurumlara yönləndirilib.
