Xəbərlər
YAP Nərimanov rayon təşkilatında partiyanın Təftiş Komissiyasının üzvü Musa Musayev ilə görüş keçirilib.
Yeni Azərbaycan Partiyası (YAP) Nərimanov rayon təşkilatında partiyanın Təftiş Komissiyasının üzvü, Milli Məclisin sabiq deputatı, “Tərəqqi” medallı Musa Musayevin 65 illiyi münasibətilə görüş keçirilib.
YAP Nərimanov rayon təşkilatının sədri Elçin Quliyev Musa Musayevi doğum günü münasibətilə təbrik edərək ona möhkəm cansağlığı və ictimai-siyasi fəaliyyətində uğurlar arzulayıb.
Elçin Quliyev Ümummilli Lider Heydər Əliyevin qurucusu olduğu Yeni Azərbaycan Partiyasının həyatında uzun illər səmərəli fəaliyyət göstərən Musa Musayevin hər zaman fəal mövqeyi ilə seçildiyini deyib.
Göstərilən diqqətə görə təşəkkürünü bildirən M.Musayev bundan sonra da üzərinə düşən vəzifələri layiqincə yerinə yetirmək üçün səy və bacarığını əsirgəməyəcəyini deyib.
