Xəbərlər
Milli Məclisin deputatı Asif Əsgərov seçiciləri ilə görüş keçirib
Milli Məclisin deputatı Asif Əsgərov Yeni Azərbaycan Partiyası (YAP) Zaqatala rayon təşkilatının qərargahında seçiciləri ilə növbəti görüş keçirib.
Görüşdə millət vəkili ilə yanaşı, YAP Zaqatala rayon təşkilatının sədri Fərid Ramazanov və Zaqatala Rayon İcra Hakimiyyəti başçısının müavini İlkin Şəfizadə iştirak edib.
Fərdi qaydada keçirilən görüş zamanı deputat Asif Əsgərov seçicilərin müraciət və təkliflərini dinləyib.
Görüşdə vətəndaşları narahat edən məsələlərin bir qismi yerindəcə həllini tapıb. Digər məsələlərin həlli üçün tədbirlər görüləcəyi diqqətə çatdırılıb və bununla bağlı aidiyyəti üzrə müvafiq tapşırıqlar verilib.
Bundan başqa, millət vəkili Asif Əsgərov aztəminatlı 30 ailəyə ərzaq yardımı edib.
