Xəbərlər
Vətən Müharibəsi Qəhrəmanının doğum günündə xatirəsi anılıb
Lerikdə Vətən Müharibəsi Qəhrəmanı, şəhid mayor Amid Heydərovun doğum günü ilə əlaqədar xatirəsi anılıb.
Yeni Azərbaycan Partiyası (YAP) Lerik rayon təşkilatının sədri Malik Mirzəyev, Lerik Rayon İcra Hakimiyyətinin başçısı Əkbər Abbasov, rayonun hüquq-mühafizə orqanları, idarə, müəssisə və təşkilat rəhbərləri, şəhid ailələri, şəhidin döyüş yoldaşları Amid Heydərovun məzarını ziyarət edib, məzarı önünə gül dəstələri qoyublar.
Daha sonra şəhidin adını daşıyan parkda ucaldılmış büstü ziyarət olunaraq xatirəsi ehtiramla anılıb.
Tədbir iştirakçıları Azərbaycanın müstəqilliyi və ərazi bütövlüyü uğrunda həlak olmuş şəhidlərin əziz xatirəsini bir dəqiqəlik sükutla yad ediblər.
Mərasimdə çıxış edənlər şəhid Amid Heydərovun keçdiyi döyüş yolundan, qəhrəmanlığından bəhs ediblər.
Şəhidin atası Rəbbil Heydərov göstərilən diqqət və qayğıya görə Prezident İlham Əliyevə və rayon rəhbərliyinə minnətdarlıqlarını bildiriblər.
