Xəbərlər
Milli Məclisin deputatı Səbinə Xasayeva seçiciləri ilə görüşüb
Mayın 16-da Milli Məclisin deputatı Səbinə Xasayeva Qaradağda seçicilərlə növbəti görüşü olub.
YAP Qaradağ rayon təşkilatının qərargahında baş tutan görüşdə seçicilər ünvanlı dövlət sosial yardım almaq hüququnun təyini, özünüməşğulluq proqramı çərçivəsində təşkil edilən peşə kursuna cəlb edilmə, aztəminatlı ailələrə maddi və mənəvi dəstək göstərilməsi, pensiya, əlillik təyinatı və bu kimi digər məsələlər ilə bağlı müraciətlər səsləndiriblər.
Görüş zamanı vətəndaşların səsləndirdikləri təklif və şikayətlər araşdırılması və həll edilməsi üçün qeydə alınıb və nəzarətə götürülərək həll edilməsi üçün müvafiq qurumlara göndərilib.
Seçicilər onlara göstərilən diqqətə, səmimi qəbula görə minnətdarlıqlarını ifadə edib, onları narahat edən məsələlərin tezliklə öz həllini tapacağına əminliklərini bildiriblər.
