Xəbərlər
Xalqımızın ümid yeri
Qax rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək növbədənkənar prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 18-də Qax rayonunun Turaclı, Marsan və Çüdüllü kəndlərindən olan seçicilərlə görüş keçirilib.
Əvvəlcə Azərbaycan Respublikasının Dövlət Himni səsləndirilib.
Görüşdə YAP Qax rayon təşkilatının sədr müavini İlkin Abbasov, Vətən müharibəsi iştirakçıları Qamət Hacıyev və Təbriz Cavadzadə, təşviqat qrupunun üzvləri çıxış ediblər.
Çıxışlarda qeyd olunub ki, Ümummilli Lider Heydər Əliyevin başladığı və hal-hazırda Prezident İlham Əliyev tərəfindən çox uğurla davam etdirilən siyasi kurs, sosial və iqtisadi inkişaf yolu Azərbaycan xalqının seçimidir: “Bu inkişaf yolu xalqımızın mənafeyinə, onun inamlı sabahına, işıqlı gələcəyinə xidmət edir. Bu inkişaf modeli Azərbaycanı demokratik, hüquqi, dünyəvi dövlət kimi möhkəmləndirən, xalqı xoş gələcəyə aparan nurlu yoldur”.
Natiqlər seçiciləri Azərbaycan xalqına tükənməz sevinc və qürur yaşadan
Yeni Azərbaycan Partiyasının namizədi cənab İlham Əliyevə səs verməyə çağırıblar.
Sonda Yeni Azərbaycan Partiyasının Himni səsləndirilib.
