Xəbərlər
Ucarlıların seçimi cənab İlham Əliyevdir!
Ucar rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 15-də Ucar rayon Ramal kənd Folklor evində Şahlıq, Əlikənd və Ramal kəndlərinin seçiciləri ilə görüş keçirilib.
Görüşdə YAP Ucar rayon təşkilatının sədri Şəhla Abdullayeva, təşviqat qrupunun üzvləri Arif Əhmədov, Afayət Yusubova, Rəna Cəfərova çıxış ediblər.
Çıxışlarda bildirilib ki, Azərbaycan Prezident İlham Əliyevin rəhbərliyi ilə yeni zirvələr fəth edir. Bütün sahələrdə əldə edilən nailiyyətlər gələcəyə nikbin baxmağa imkan verir. Sarsılmaz birlik, xalqın öz liderinə sonsuz inamı, liderin isə öz xalqına arxalanması Azərbaycanın qazandığı bütün uğurların dayaq nöqtəsidir. Natiqlər Azərbaycanın ərazi bütövlüyünün, suverenliyinin və tarixi ədalətin bərqərar olmasının Prezident, partiyanın namizədi İlham Əliyevin 20 illik gərgin, məqsədyönlü fəaliyyətinin zəfər zirvəsi olduğunu vurğulayıblar.
Təşviqat qrupunun üzvləri kənd sakinlərini prezident seçkilərində fəal iştirak etməyə və qalib xalqın qalib Lideri cənab İlham Əliyevə səs verməyə çağırıblar.
Görüşün sonunda seçicilər artıq öz seçimlərini etdiklərini və 7 fevral seçkilərində ən layiqli namizəd cənab İlham Əliyevə səs verəcəklərini bəyan ediblər.
