YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI  : 0
BİZƏ YAZIN

Xəbərlər

YAP Nizami rayon təşkilatında “Qalib ölkənin qələbələr partiyası YAP 29 ildə” mövzusunda tədbir keçirilib

Yeni Azərbaycan Partiyası Nizami rayon təşkilatında partiyanın təsis edilməsinin 29-cu ildönümünə həsr edilmiş “Qalib ölkənin qələbələr partiyası YAP 29 ildə” mövzusunda tədbir keçirilib.

Azərbaycan Respublikasının Dövlət Himninin səsləndirilməsi ilə açılışı olan tədbirdə müasir, müstəqil Azərbaycan dövlətinin banisi, Yeni Azərbaycan Partiyasının yaradıcısı, ümummilli liderimiz Heydər Əliyevin və torpaqlarımızın azadlığı uğrunda canlarını qurban vermiş qəhrəman Vətən övladlarının - şəhidlərimizin əziz xatirəsi bir dəqiqəlik sükutla yad edilib.

Çıxış edən YAP Nizami rayon təşkilatının sədri Ramil Vəlibəyov, Milli Məclisin deputatı Sədaqət Vəliyeva, Nizami Rayon İcra Hakimiyyəti başçısının müavini İldırım Mehdiyev deyiblər ki, güclü Lider ətrafında yaradılan Yeni Azərbaycan Partiyası qısa müddət ərzində siyasi səhnədə layiqli yer tutdu və xalqı öz ətrafında sıx birləşdirdi. Bildirilib ki, Ulu Öndər Heydər Əliyevin yüksək nüfuzu, xalqın Ona böyük inam və etimadı Yeni Azərbaycan Partiyasının qısa müddət ərzində yüksəlişini təmin edən mühüm faktorlardan birinə çevrildi. YAP qısa müddət ərzində Azərbaycan xalqının iradəsi əsasında hakimiyyətə gələrək ölkəmizin həyatında keyfiyyətcə və mahiyyətcə tamamilə yeni mərhələnin başlanmasını, yeni Azərbaycan quruculuğunun həyata keçirilməsini təmin etdi. Vurğulanıb ki, Prezident İlham Əliyevin sədrlik etdiyi Yeni Azərbaycan Partiyasının Cənubi Qafqazın ən böyük siyasi təşkilatı olaraq nüfuzu davamlı olaraq artır. Sıralarında 800 minə yaxın vətəndaşı, cəmiyyətin bütün təbəqələrindən olan fəal, intellektual və vətənpərvər insanları birləşdirən YAP bütün seçkilərdə möhtəşəm qələbə qazanaraq, sözün əsl mənasında, qələbələr partiyasına çevrilib.

Çıxışlardan sonra təltifetmə mərasimi keçirilib.

Mərasimdə ərazi partiya təşkilatının sədri Ramin Əhmədova və digər fəallara rayonun ictimai həyatında və mədəni inkişafında iştiraka görə Nizami Rayon İcra Hakimiyyətinin Fəxri fərmanları təqdim olunub.

Eyni zamanda, partiya fəalları YAP Nizami rayon təşkilatının inkişafında xidmətlərinə və ictimai-siyasi həyatında fəal iştirakına görə, COVİD-19 pandemiyası ilə mübarizədə xidmətlərinə və bu sahədə dövlətin həyata keçirdiyi siyasətə davamlı dəstəyinə görə Fəxri fərmanlarla, eləcə də 27 sentyabr 2020-ci il tarixində başlanmış 44 günlük Vətən müharibəsi zamanı döyüş və ətraf bölgələrdə tibbi xidmət vəzifəsini şərəflə həyata keçirdiyi, Azərbaycan Ordusunun şəxsi heyətinin sağlamlığının qorunması naminə vəzifə borcunu layiqincə yerinə yetirdiyi üçün təşəkkürnamələr ilə təltif ediliblər. Həmçinin, rayonun qaziləri və müharibə iştirakçılarına da təşəkkürnamələr və mükafatlar təqdim olunub.

Tədbirə bədii qiraətçi, partiya fəalı Pərvanə Talıbovanın “Səni sevir Azərbaycan” adlı şeiri səsləndirməsi ilə yekun vurulub.

DİGƏR Xəbərlər Arxiv