Xəbərlər
Sabunçu rayonunda əlilliyi olan şəxslər mükafatlandırıldı
YAP Sabunçu rayon təşkilatı, Vətən Müharibəsi Əlillərinə Kömək İctimai Birliyinin təşkilatçılığı ilə Sosial Xidmətlər Agentliyi, Boccia İdman Federasiyasının birgə təşəbbüsü və dəstəyi ilə Bakı Şəhəri Sabunçu rayonu Ramana qəsəbəsində yerləşən Əlilliyi olan Şəxslərin Peşə- Əmək Reabilitasiya Mərkəzində bir qrup əlil vətəndaşlartımızın mükafatlandılma mərasimi keçirilib.
Mərasimdə YAP Sabunçu təşkilatının sədri Misirxan Vəliyev, Sosial Xidmətlər Agentliyinin nümayəndəsi Əlilliyi olan Şəxslərin Peşə- Əmək Reabilitasiya Mərkəzin direktoru Rəhilə Həsrətova , Vətən Müharibəsi Əlillərinə Kömək İçtimai Birliyinin sədr əvəzi Qalib Əliyev, ictimai birliyin sədr müavini, Məcid Məmmədov, Birliyin icraçı direktoru Zamin Zeynal, Millət vəkili Əliabbas Salahzadənin köməkçisi Hikmət Bunyatov, Boccia İdman Federasiyasının Baş katibi İlham Məhərrəmov, Qazilər iştirak edərək çıxış etdilər.
Qeyd olunub ki, Sağlamlıq İmkanları Məhdud Gənclərin Peşə Reabilitasiyası ilə bağlı məsələlər Prezident cənab İlham Əliyev və Birinci vitse-prezident Mehriban xanım Əliyevanın daima diqqət mərkəzindədir. Əlilliyi olan şəxslərlə bağlı bütün məsələlərdə birlik və həmrəylik olduqca vacibdir.
Birliyin icraçı direktoru Zamin Zeynal çıxış edərək qeyd etdi, Vətən Müharibəsi Əlillərinə Kömək İctimai Birliyi tərəfindən Prezident cənab İlham Əliyevin ictimai siyasət kursunu əsas götürərək Dövlət QHT münasibətləri fonunda Əlilliyi olan vətəndaşlarımıza ictimai,sosial,mənəvi dəstəklə bağlı tədbir və layihələr gələcəkdə davam etdirəcək.
