Xəbərlər
Gürcüstan Prezidenti dəstəyə görə Azərbaycan Prezidentinə və xalqına təşəkkür edib
Gürcüstan Prezidenti Salome Zurabişvili koronavirusla mübarizədə göstərilən həmrəyliyə görə Azərbaycan Prezidenti İlham Əliyevə və xalqımıza minnətdarlıq edib.
Bu barədə Gürcüstan dövlətinin başçısı özünün “Twitter” səhifəsində bildirib.
Salome Zurabişvili yazır: “Bu gün Bakıda, Heydər Əliyev Mərkəzinin binası üzərinə Gürcüstanın bayrağı videoproyeksiya olunub. Bu, Azərbaycan xalqının həmrəyliyinin ən yaxşı mesajıdır. Biz birlikdə daha güclüyük!”.
Salome Zurabişvili göstərilən dəstəyə görə Azərbaycan Prezidentinə bir daha təşəkkür edib.