Xəbərlər
Eldəniz Səlimov: Azərbaycan ənənəvi olaraq xarici bazarlara kənd təsərrüfatı məhsulları çıxaran ölkədir
«Hazırki şəraitdə qeyri-neft sənayesinin inkişaf etdirilməsi xüsusi yer tutur». Bu fikri Milli Məclisin deputatı Eldəniz Səlimov deyib.
E.Səlimov bildirib ki, qarşıya qoyulan hədəf daxili istehlakın tam həcmdə yerli istehsal hesabına ödənilməsinə nail olmaqdan və geniş ixrac imkanları yaratmaqdan ibarətdir. Onun sözlərinə görə, son illərdə milli iqtisadiyyatımızın qeyri-neft sektorunda istehsal imkanları əhəmiyyətli dərəcədə artıb.
«Azərbaycan ənənəvi olaraq xarici bazarlara kənd təsərrüfatı məhsulları çıxaran ölkədir. Bu baxımdan, bölgələrimizin böyük potensialı var. Görülən tədbirlər isə yaxın gələcəkdə ölkəmizdə daxili istehsalın artacağını deməyə əsas verir. Bu yöndə regionlarda sistemli tədbirlər həyata keçirilir»- deyə, deputat qeyd edib.