Xəbərlər
Magistral kəmərlərlə altı ayda 23,3 milyon ton neft nəql edilib
Cari ilin yanvar-iyun aylarında Azərbaycan ərazisindəki magistral kəmərlərlə 23,3 milyon ton neft nəql edilib.
Dövlət Statistika Komitəsindən verilən məlumata görə, ötən ilin müvafiq dövrü ilə müqayisədə 7,3 faiz artım qeydə alınıb. Nəqletmənin dörddəüç hissəsi Bakı-Tbilisi-Ceyhan neft ixrac boru kəməri (BTC) ilə həyata keçirilib və cari ilin yanvar-iyun aylarında bu kəmərlə 17,6 milyon ton neft ötürülüb.
Bu dövrdə Səngəçal terminalından BTC kəməri ilə 2,6 milyon ton tranzit Türkmənistan nefti də nəql olunub.