Xəbərlər
Parlamentin deputatı Mehriban Əliyeva amnistiya təşəbbüsü ilə Milli Məclisə müraciət edib
Azərbaycanın birinci xanımı, Heydər Əliyev Fondunun prezidenti, Milli Məclisin deputatı Mehriban Əliyeva 28 May - Respublika Günü münasibətilə “Amnistiya aktı haqqında” qanun layihəsinin qəbul olunması ilə bağlı parlamentə müraciət edib.
Bu sözləri mayın 17-də Milli Məclis sədrinin birinci müavini Ziyafət Əsgərov parlamentin plenar iclasında deyib.
Z.Əsgərov bildirib ki, amnistiya aktının 10 min məhbusu əhatə edəcəyi gözlənilir. Layihədə 3500 nəfərin məhkumluqdan azad edilməsi nəzərdə tutulur.
Parlament sədrinin birinci müavini qeyd edib ki, bu, Azərbaycanın birinci xanımı Mehriban Əliyevanın amnistiya aktı ilə bağlı Milli Məclisə dördüncü müraciətidir.