Xəbərlər
Bu gün üzgüçülük üzrə Azərbaycan açıq yay çempionatı start götürür
Bu gün Hövsan Olimpiya İdman Kompleksində üzgüçülük üzrə Azərbaycan Respublikasının açıq yay çempionatı start götürür.
Üç gün davam edəcək birincilikdə 3 dərəcədən yuxarı bütün yaş qruplarında 50-dən çox üzgüçü iştirak edəcək. Əsasən Bakı, Sumqayıt və Naxçıvandan olan üzgüçülər milli komanda məşqçilərinin etimadını qazanmağa çalışacaqlar.
Azərbaycan Üzgüçülük Federasiyasının təşkilatçılığı ilə keçiriləcək yarışların sonunda qaliblər diplomlar və medallarla təltif ediləcək.