Xəbərlər
Feyzaver Alpsar: Həmrəylik Günü Azərbaycan xalqının əsrlər boyu apardığı milli azadlıq mübarizəsinin nəticəsidir
31 dekabr - Dünya Azərbaycanlılarının Həmrəylik Günü Azərbaycan xalqının əsrlər boyu apardığı milli azadlıq mübarizəsinin nəticəsidir.
Bu sözləri AZƏRTAC-a müsahibəsində Azərbaycan ictimai fikrinin görkəmli nümayəndəsi, tanınmış maarifçi və yazıçı-publisist, filosof Əli bəy Hüseynzadənin qızı Feyzaver Alpsar söyləyib. O deyib ki, xalqımızın ümumi həmrəyliyinə nail olmaq Azərbaycanın görkəmli şəxsiyyətlərinin, o cümlədən Azərbaycan Xalq Cümhuriyyəti qurucularının ən böyük arzusu olub. “Şükürlər olsun ki, bütün bu arzular Azərbaycan dövlətinin məqsədyönlü siyasəti ilə addımbaaddım gerçəkliyə çevrilir”, -deyə Feyzaver Alpsar bildirib.