Xəbərlər
Əməkdaşlığın inkişafına mühüm töhfə
Malik Mirzəyev
YAP Lerik rayon təşkilatının sədri
2026-cı il iyulun 14-də Slovakiya Prezidenti Peter Pelleqrininin Azərbaycana rəsmi səfəri iki ölkə arasında mövcud dostluq münasibətlərinin və qarşılıqlı faydalı əməkdaşlığın inkişafı baxımından mühüm siyasi hadisə kimi qiymətləndirilir. Bu səfər Azərbaycan ilə Slovakiya arasında strateji tərəfdaşlığın daha da möhkəmləndirilməsinə, siyasi dialoqun intensivləşdirilməsinə, iqtisadi əlaqələrin genişləndirilməsinə və humanitar sahədə əməkdaşlığın yeni istiqamətlər üzrə inkişafına xidmət edir.
Prezident Peter Pelleqrininin Azərbaycana rəsmi səfəri ilk növbədə yüksək səviyyəli siyasi dialoqun davamlı xarakter aldığını nümayiş etdirir. Dövlət başçıları arasında keçirilən görüşlərdə regional və beynəlxalq gündəlikdə duran məsələlər, enerji təhlükəsizliyi, nəqliyyat-logistika marşrutlarının inkişafı, ticarət dövriyyəsinin artırılması, investisiya imkanları və yaşıl enerji sahəsində əməkdaşlıq perspektivləri geniş müzakirə olundu. Bu istiqamətlər üzrə əldə edilən razılaşmalar qarşıdakı illərdə ikitərəfli münasibətlərə yeni dinamika qazandıracaq.
Mətbuata bəyanatı zamanı Prezident İlham Əliyevin vurğuladığı kimi, bu gün Azərbaycan ilə Slovakiya arasında siyasi əlaqələr çox yüksək səviyyədədir və dövlət başçıları, hökumət nümayəndələri arasında qarşılıqlı səfərlər bunun ən bariz göstəricisidir. Yüksək səviyyəli siyasi dialoq iki ölkə arasında etimadın möhkəmlənməsinə, qarşılıqlı maraq doğuran məsələlər üzrə fikir mübadiləsinin genişlənməsinə və əməkdaşlığın yeni istiqamətlər üzrə inkişafına əlverişli şərait yaradır. Prezident İlham Əliyevin səsləndirdiyi bu fikir onu göstərir ki, Azərbaycan xarici siyasətində etibarlı tərəfdaşlarla uzunmüddətli əməkdaşlığa xüsusi önəm verir. Slovakiya ilə münasibətlərin dinamik inkişafı da məhz qarşılıqlı etimadın, siyasi iradənin və ortaq maraqların nəticəsidir. İkitərəfli əlaqələrin hazırkı səviyyəsi gələcəkdə daha geniş iqtisadi layihələrin həyata keçirilməsi, humanitar əməkdaşlığın dərinləşdirilməsi və regional təhlükəsizlik məsələlərində dialoqun genişlənməsi üçün möhkəm əsas yaradır.
Son illərdə dövlət və hökumət rəhbərlərinin, parlament nümayəndələrinin və müxtəlif sahələr üzrə rəsmi şəxslərin qarşılıqlı səfərlərinin intensivləşməsi münasibətlərin dinamik inkişaf etdiyini təsdiqləyir. Belə təmaslar ikitərəfli əlaqələrin yalnız diplomatik müstəvidə deyil, həm də iqtisadi, enerji, nəqliyyat, investisiya, elm, təhsil və humanitar sahələrdə dərinləşməsinə mühüm töhfə verir. Yüksək səviyyəli siyasi dialoq dövlətlər arasında etibarlı tərəfdaşlığın əsas göstəricilərindən biridir. Azərbaycan və Slovakiya beynəlxalq hüququn prinsiplərinə, dövlətlərin suverenliyinə və qarşılıqlı hörmətə əsaslanan münasibətlər quraraq əməkdaşlığın yeni istiqamətlərini müəyyənləşdirirlər. Məhz siyasi münasibətlərin möhkəm təməl üzərində qurulması digər sahələrdə də əməkdaşlığın genişlənməsinə əlverişli şərait yaradır.
Qarşılıqlı rəsmi səfərlər, eyni zamanda, ölkələrin strateji maraqlarının uzlaşdığını və əməkdaşlığın uzunmüddətli perspektivə hesablandığını nümayiş etdirir. Bu cür təmaslar zamanı əldə olunan razılaşmalar konkret layihələrin həyata keçirilməsini sürətləndirir, yeni təşəbbüslərin irəli sürülməsinə imkan yaradır və ikitərəfli münasibətləri keyfiyyətcə yeni mərhələyə yüksəldir. Buna görə də Slovakiya ilə Azərbaycan arasında yüksək səviyyəli siyasi əlaqələr hər iki ölkənin milli maraqlarına xidmət etməklə yanaşı, Avropa ilə Azərbaycan arasında əməkdaşlığın inkişafına da mühüm töhfə verir.