Xəbərlər
Rövnəq Abdullayev: SOCAR-a dövlət zəmanəti ilə 1,2 milyard manat məbləğində kredit ayrılacaq
![](http://yap.org.az/thumb.php?src=http://yap.org.az/upload/images/9e3911a30e011fa4ec88a0399e5253ff.jpg&w=360)
Heydər Əliyev adına neft emalı zavodunun (NEZ) yenidən qurulması üçün Azərbaycan Respublikası Dövlət Neft Şirkətinə (SOCAR) dövlət zəmanəti ilə 1,2 milyard manat məbləğində kredit ayrılacaq.
Bu barədə jurnalistlərə müsahibəsində SOCAR-ın prezidenti Rövnəq Abdullayev məlumat verib. O bildirib ki, Azərbaycanda yeni Neft-Qaz Emalı və Neft-Kimya Kompleksinin (NQNK) yaradılması layihəsi çərçivəsində yeni neft emalı zavodunun inşasında gecikmə oldu. Bunun üçün də Heydər Əliyev adına neft emalı zavodunda yenidənqurma və rekonstruksiya işləri aparılmaqla zavodun fəaliyyətinin 2030-cu ilədək uzadılması qərarı alındı.
R.Abdullayev qeyd edib ki, plan üzrə işlərə gələn ildən başlanılacaq və 2017-2018-ci illərdə Heydər Əliyev adına neft emalı zavodunun istehsal gücü artırılacaq. “Zavodda “Avro-5” standartına uyğun neft məhsullarının istehsalı üçün işlər aparılacaq. Həmçinin, bitum qurğusu və daha 6 iri qurğu inşa ediləcək. Bütün bu işlərdən sonra isə “Azərneftyağ” neft emalı zavodu ləğv ediləcək”, - deyə SOCAR-ın prezidenti bildirib.