Xəbərlər
"Nə qədər ki Azərbaycan var, Məndə də varam"
YAP Laçın rayon təşkilatının 41 saylı ərazi partiya təşkilatında "Heydər Əliyev ili" ilə əlaqədar "Nə qədər ki Azərbaycan var, Məndə də varam" mövzusunda konfrans keçirilib.
Konfransda YAP Laçın rayon təşkilatının sədri İlqar İlyasov, Şərqi Zəngəzur regional təhsil idarəsinin Laçın rayon sektorunun əməkdaşı Rasim Şükürov, ərazi partiya təşkilatının sədri Nuridə Əhmədova və YAP fəalları iştirak ediblər.
Əvvəlcə Ulu öndər Heydər Əliyevin, Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirələri bir dəqiqəlik sükutla yad edilib.
Konfransda Ulu Öndərin həyat və fəaliyyətini əks etdirən videoçarx nümayiş etdirilib.
YAP Laçın rayon təşkilatının sədri İlqar İlyasov qeyd edib ki, Yeni Azərbaycan Partiyasının yaradıcısı, ulu öndər Heydər Əliyev xalqın təkidli tələbi ilə yenidən hakimiyyətə gələrək, ölkəni inkişaf yoluna çıxarıb. Ulu öndərmizin layiqli davamçısı Prezident, Yeni Azərbaycan Partiyasının sədri İlham Əliyevin rəhbərliyi ilə respublikamız dinamik inkişaf yoluna qədəm qoyub, sosial-iqtisadi sahələrdə böyük uğurlar qazanıb, dünyanın ən sürətlə inkişaf edən ölkəsinə çevrilib. İlqar İlyasov bildirib ki, bu gün Heydər Əliyev ideyaları əsasında dinamik inkişaf edən, qüdrəti və beynəlxalq nüfuzu getdikcə artan Azərbaycan yeni zirvələr fəth edir: “Qazanılan bütün nailiyyətlərin əsasında Ulu Öndər Heydər Əliyevin siyasi kursunun Prezident İlham Əliyev tərəfindən uğurla davam etdirməsi dayanır.”
Konfransda qeyd edilib ki, Ulu Öndər Heydər Əliyev hər zaman fəxr edəcəyimiz, qürur hissi ilə xatırlayacağımız dahi şəxsiyyət və böyük dövlət xadimidir. O, Azərbaycan xalqı və dövlətçiliyi üçün misilsiz xidmətlər görmüş tarixi şəxsiyyət olmaqla yanaşı, həm də tarixi yaradan şəxsiyyətdir. Azərbaycanın son 30 ildən artıq bir dövrü, xalqın ictimai-siyasi, iqtisadi və mədəni həyatının bütün sahələrində qazanılan uğurlar məhz onun adı ilə bağlıdır.
