Xəbərlər
Masallıda şəhidin təltif olunduğu orden ailəsinə təqdim edilib
Vətən müharibəsi şəhidi Şahbazov Kənan Natiq oğlunun ölümündən sonra təltif olunduğu 3-cü dərəcəli “Rəşadət” ordeni Masallı rayonunun Çaxırlı kəndində ailəsinə təqdim edilib.
Yeni Azərbaycan Partiyası (YAP) Masallı rayon təşkilatının sədri Seyfəddin Əliyev, partiya fəalları, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları şəhidin ailəsini ziyarət ediblər.
Şəhid Kənan Şahbazovun təltif edildiyi orden şəhidin anasına təqdim olunub.
Çıxış edənlər şəhidin şərəfli həyat və döyüş yolundan, torpağa, milli-mənəvi dəyərlərə bağlılığından, müqəddəs şəhidlik zirvəsinə ucalmasından danışıblar.
Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
