Xəbərlər
Azərbaycan Sahibkarlar Konfederasiyası ilə Litva Sənayeçilər Konfederasiyası arasında əməkdaşlıq müqaviləsi imzalanıb
Mayın 18-də Azərbaycan-Litva Biznes Forumu çərçivəsində Azərbaycan Respublikası Sahibkarlar (İşəgötürənlər) Təşkilatları Milli Konfederasiyası və Litva Sənayeçilər Konfederasiyası arasında Əməkdaşlıq Müqaviləsi imzalanıb.
ASK-dan bildirilib ki, sazişin əsas məqsədi hər iki ölkə iqtisadiyyatının müxtəlif sektorları üzrə ikitərəfli iqtisadi əlaqələrin daha da inkişaf etdirilməsindən ibarətdir.
İmzalanan sənəd, Azərbaycan və Litva arasında ticarət, investisiya və xidmətlərə dair əməkdaşlığın təşviqi, iqtisadi əməkdaşlığın genişləndirilməsinə təsir göstərən maneələrin aradan qaldırılmasına müvafiq dəstəyin göstərilməsi, müxtəlif beynəlxalq iqtisadi təşkilatlarda, üçüncü ölkələrdə həyata keçirilən fəaliyyətlər zamanı tərəflərin bir-birini təşviq etməsi kimi məsələləri özündə ehtiva edir.
Bununla yanaşı, iqtisadi-ticarət əlaqələrinin daha da inkişaf etdirilməsi və biznes dairələri arasında əlaqələrin genişləndirilməsi məqsədilə Azərbaycan-Litva İşgüzar Əməkdaşlıq Şurasının yaradılması haqqında məsləhətləşmələrin aparılmasına dair razılıq əldə olunub