Xəbərlər
YAP Nəsimi rayon təşkilatının yeni ərazi partiya təşkilatı təsis edilib
Yeni Azərbaycan Partiyası Nəsimi rayon təşkilatının “Kərpiç küçəsi 16” ünvanı üzrə yeni ərazi partiya təşkilatı təsis edilib.
Bu münasibətlə keçirilən yığıncaqda çıxış edən DSMF-nin Mərkəzi Maliyyə və Mühasibatlıq İdarəsinin rəisi Yavər Məmmədov bildirib ki, Yeni Azərbaycan Partiyasının Sədri, Prezident İlham Əliyev düşünülmüş islahatları və müdrik qərarları ilə Azərbaycanı dünyanın inkişaf edən ölkələri sırasına çıxarıb. Azərbaycan Prezidentinin siyasətinin mərkəzində insan amili dayanır, amalı qurub-yaratmaq, xalqını daha xoş günə, daha firavan həyata qovuşdurmaqdır.
Ərazi ilk partiya təşkilatı təsis edildikdən sonra təşkilati məsələlərə baxılıb. Yavər Məmmədov Kərpiç küçəsi, 16 ünvanında yerləşən ərazi ilk partiya təşkilatının sədri, Məhəmməd Məmmədov isə sədr müavini seçiliblər.
İclasın sonunda YAP Nəsimi rayon təşkilatının sədri Azər Süleymanov yeni seçilən sədr və sədr müavinini təbrik edərək işlərində uğurlar arzulayıb və təşkilat üzvlərini partiyanın fəaliyyətində daha da yaxından iştirak etməyə çağırıb.
