Xəbərlər
YAP Ucar rayon təşkilatının fəalları şəhid Allahverdi Ələkbərovun ildönümü mərasiminə qatılıblar
Ucar Rayon İcra Hakimiyyətinin başçısı Mənsur Məmmədov, YAP Ucar rayon təşkilatı sədrinin səlahiyyətlərini icra edən Şəhla Abdullayeva və partiya fəalları, rayonun hüquq-mühafizə orqanlarının rəhbərləri, ictimaiyyət nümayəndələri şəhid Ələkbərov Allahverdi Məzahir oğlunun şəhadətinin birinci ildönümü mərasimində iştirak ediblər.
Tədbir iştirakçıları vətən qəhrəmanının Ucar Şəhidlər Xiyabanında məzarını ziyarət edib, üzərinə tər çiçəklər düzüb, ruhuna dualar oxuyublar. Daha sonra şəhidin xatirəsinə açılan ehsan süfrəsinə qatılıblar.
Qeyd edək ki, kəşfiyyatçı, tağım komandirinin müavini, gizir Allahverdi Ələkbərov oktyabrın 20-də Qubadlının azad olunması uğrunda gedən döyüşlərdə şəhadətə yüksəlib.
