YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Nərimanov rayonunda 8 Noyabr - Zəfər Günü ilə əlaqədar silsilə tədbirlər keçirilib

Nərimanov rayonunda Vətən Müharibəsi qəhrəmanları polkovnik Zaur Nudirəliyev və baş leytenant Azad Hümbətovun adlarının verildiyi küçələrdə lövhələrin açılışı mərasimi keçirilib.

Tədbirdə Rayon İcra Hakimiyyətinin başçısı Abdin Fərzəliyev, YAP Nərimanov rayon təşkilatının sədri Samir Vəliyev, Milli Məclisin deputatı Rasim Musabəyov, rayon hüquq-mühafizə orqanlarının rəhbərləri, şəhid ailələri, qazilər, rayon ictimaiyyətinin üzvləri iştirak ediblər.

Mərasimdə şəhidlərimizin Vətən Müharibəsi zamanı göstərdikləri qəhrəmanlığından bəhs olunub. Daha sonra şəhidlərin ailə üzvləri tərəfindən lövhələrin açılışı olub.

Sonra tədbir iştirakçıları Birinci Qarabağ müharibəsi şəhidi, Azərbaycanın Milli Qəhrəmanı Albert Aqarunovun abidəsi önünə gül dəstələri qoyaraq onun xatirəsini də dərin ehtiramla yad ediblər.

Daha sonra “Zəfər Dastanı” adlı tədbir keçirilib. Tədbirdə rayon məktəblilərinin ifasında “Qarabağ Azərbaycandır!” adlı ədəbi-bədii kompozisiya və Vətən Müharibəsi şəhidlərinə həsr olunmuş sənədli film nümayiş edilib. Eləcə də, Vətən Müharibəsi şəhidlərinin həyatından və döyüş yolundan bəhs edən “44 günlük Zəfər dastanı” kitabının təqdimatı keçirilib.