YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Şəhid Vaqif İsmayılzadənin ildönümü mərasimi qeyd edilib

Beyləqan rayonunun Birinci Şahsevən kəndində Cəbrayılın Horovlu kəndindən olan Vətən müharibəsi şəhidi İsmayılzadə Vaqif Vüqar oğlunun ildönümü mərasimi qeyd edilib.

Cəbrayıl Rayon İcra Hakimiyyətini başçısı Kamal Həsənov, YAP Cəbrayıl rayon təşkilatının nümayəndəsi Məhəmməd Əliyev və partiya fəalları, Milli Məclisin deputatı Ceyhun Məmmədov, şəhidin döyüş yoldaşları və ictimaiyyət nümayəndələrinin iştirakı ilə keçirilən anım tədbiri çərçivəsində şəhidin məzarı ziyarət olunub, ruhuna dualar oxunub.

Daha sonra mərasim iştirakçıları şəhidin ailəsini ziyarət edib, onlara başsağlığı verib, qayğı və problemləri ilə maraqlanıblar.

Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildiriblər.