Xəbərlər
Şəhid Kərim Hüseynovun ildönümü mərasimi keçirilib
Qusar rayonunda torpaqlarımızın işğaldan azad edilməsi uğrunda gedən döyüşlərdə canından keçən şəhid Kərim Hüseynovun ildönümü mərasimi keçirilib.
Anım tədbirinə Qusar rayon İcra Hakimiyyətinin başçısı Şair Alxasov, YAP rayon təşkilatının rəhbərliyi, rayonun hüquq-mühafizə orqanlarının rəhbərləri və kənd ictimaiyyətinin nümayəndələri qatılıblar.
Mərasim iştirakçıları şəhidin məzarını ziyarət edib, üzərinə tər güllər düzüb, ruhuna dualar oxuyublar.
Daha sonra rayon rəhbərliyi şəhidin ailəsinin qayğı və problemləri ilə maraqlanıblar. Ailə üzvləri göstərilən qayğıya görə ölkə rəhbərliyinə minnətdarlığını bildiriblər.
