Xəbərlər
Bakıda Azərbaycan-Türkiyə birgə təlimləri davam edir
Azərbaycan Respublikası ilə Türkiyə Respublikası arasında hərbi sahədə bağlanmış əməkdaşlıq haqqında sazişə əsasən Bakıda iyunun 28-də başlayan “Mustafa Kamal Atatürk – 2021” birgə döyüş atışlı taktiki təlimlər davam edir.
Müdafiə Nazirliyinin mətbuat xidmətindən bildiriblər ki, döyüş əməliyyatlarının aparılması zamanı iki ölkə ordularının bölmələrinin qarşılıqlı fəaliyyətinin təkmilləşdirilməsi, komandirlərin hərbi qərar qəbuletmə və bölmələri idarəetmə bacarıqlarının inkişaf etdirilməsi məqsədilə keçirilən təlimlərdə müxtəlif təlim-döyüş tapşırıqları icra olunur.