YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

Akademik Ramiz Mehdiyevin “İkili standartların dünya nizamı və müasir Azərbaycan” əsəri müzakirə olunub

Dekabrın 18-də Azərbaycan Respublikasının Prezidenti yanında Dövlət İdarəçilik Akademiyasında (DİA) Azərbaycan Prezidenti Administrasiyasının rəhbəri, akademik Ramiz Mehdiyevin “İkili standartların dünya nizamı və müasir Azərbaycan” əsərinin müzakirəsinə həsr olunmuş “dəyirmi masa” keçirilib.
Tədbirdə DİA-nın rektoru, akademik Urxan Ələkbərov əsərin tarixi əhəmiyyətindən söz açıb.
Bildirilib ki, akademik Ramiz Mehdiyevin hər yeni əsəri fəlsəfə, tarix, ideologiya və beynəlxalq münasibətlər nəzəriyyəsinə bir töhfədir. Bu fundamental, böyük və ciddi əsərində də müəllif müasir beynəlxalq münasibətlər nəzəriyyəsini zənginləşdirir, dünya siyasətinin əsas tendensiyalarına dair baxışlarını açıqlayır. “İkili standartların dünya nizamı və müasir Azərbaycan” əsərinin DİA-da geniş müzakirəsi təşkil olunub və aktuallığı nəzərə alınaraq onun tədrisi reallaşdırılır.
“Dəyirmi masa”da Milli Məclisin deputatı Aydın Mirzəzadə çıxış edərək akademik Ramiz Mehdiyevin yeni əsərini yüksək qiymətləndirib və onu zamanında yazılmış siyasi əsər olduğunu diqqətə çatdırıb.
Vurğulanıb ki, geniş elmi axtarışlara söykənən əsərdə Azərbaycan dövlətçilik ənənələrinin qorunmasının əsasları və buna maneələr yarada bilən amillər açıq şəkildə göstərilib.
Tədbirdə çıxış edən digər natiqlər də əsərin məziyyətləri barədə fikirlərini bölüşüblər.

DİGƏR Xəbərlər Arxiv