YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Polad Bülbüloğlu: Azərbaycanla Rusiyanın əlaqələrinin inkişafı bütün sahələrdə özünü büruzə verir

Azərbaycan ilə Rusiya arasında əlaqələrin inkişafı bütün sahələrdə özünü büruzə verir.

Bu sözləri dekabrın 9-da jurnalistlərə müsahibəsində Azərbaycanın Rusiyadakı səfiri Polad Bülbüloğlu deyib.

Səfir bildirib ki, bu gün Bakıda keçirilən Azərbaycan Respublikası ilə Rusiya Federasiyası arasında iqtisadi əməkdaşlıq məsələləri üzrə hökumətlərarası Dövlət Komissiyasının iclasında mühüm məsələlər müzakirə olunub: “Bu, qarşılıqlı iqtisadi əlaqələrin daha da möhkəmlənməsi üçün mühüm bir görüşdür. Azərbaycanla Rusiya arasında əlaqələr yüksək səviyyədə inkişaf etməkdədir. Bu yaxınlarda Azərbaycan Respublikasının Birinci vitse-prezidenti Mehriban Əliyevanın Rusiyaya yüksək səviyyəli səfəri bu münasibətlərin dərinləşməsinin əyani göstəricisidir”.