YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

Elman Nəsirov: Radikal müxalifətin heç bir niyyəti baş tutmayacaq

“Prezident İlham Əliyevin Belçikaya səfəri mühüm əhəmiyyət kəsb edir. Avropa İttifaqının Şərq Tərəfdaşlığı proqramının 10 illik yubileyi ilə reallaşan səfər zamanı dövlətimizin başçısı vacib görüşlər keçirib”. Bu fikirləri Milli Məclisin deputatı Elman Nəsirov deyib.

E.Nəsirov bildirib ki, lakin bəzi müxalif qüvvələr ölkəmizin Şərq tərəfdaşlığından imtina etməsinə dair yanlış məlumatlar yaydılar. Təbii ki, əsas məqsəd hər zamankı kimi ölkədə ictimai rəyi çaşdırmaq idi. Amma radikal müxalifətin heç bir niyyəti baş tutmayacaq.

“Brüssel səfəri zamanı Avropa İttifaqı Şurasının prezidenti Donald Tusk dövlətimizin başçısı ilə görüşdə Azərbaycanın Avropa enerji təhlükəsizliyi üçün çox böyük önəm kəsb etdiyi qeyd etdi. Ölkə başçısı da Aİ ilə hərtərəfli əməkdaşlığın genişlənməsində maraqlı olduğunu bildirdi. Ölkəmizin Aİ ilə enerji təhlükəsizliyi sahəsinə çox ciddi əməkdaşılığı formalaşıb. 2020-ci ildə Cənub Qaz Dəhlizi işə düşəcək ki, bu da Avropanın meqa layihəsi olaraq Azərbaycan-Aİ münasibətlərinin yeni müstəviyə keçməsinə imkan yaradacaq. Səfər çərçivəsində Donald Tusk iştirakçı dövlətlərin liderlərinin şərəfinə axşam ziyafəti verdi. Həmin ziyafətdə də o Azərbaycanın ölkə başçısı ilə yanaşı oturdu. Bunun özü bizim münasibətlərimizin hansı səviyyədə olduğunu və cənab Prezidentimizə göstərilən diqqətin ifadəsidir”-deyə, E.Nəsirov vurğulayıb.

Millət vəkili qeyd edib ki, Azərbaycan demokratik inkişaf yolunu seçmiş dövlətdir. Onun sözlərinə görə, bu gün ölkəmizdə 55 siyasi partiya mövcuddur. Belə olan halda mətbuat və söz azadlığı üzərində hansı qadağalardan söhbət gedə bilər? E.Nəsirov bildirib ki, radikal müxalifətin, eləcə də xaricdə yaşayan bəzi azərbaycanlıların ölkəmiz haqqında mənfi rəy formalaşdırmaq istəyi iflasa məhkumdur.

“Azərbaycanda hər zaman sərbəst toplaşma azadlığı olub. Amma nəzərə alınmalıdır ki,  demokratiya anarxiya, xaos deyil. Qanunlar işləməyən yerdə demokratiya yoxdur. Azərbaycan hüquqi dövlətidr, ölkəmizdə həm sərbəst toplaşma, həm də digər demokratik azadlıqlar təmin edilib. Bu məsələdə Azərbaycan bir çox dünya ölkələri üçün nümunədir. Avropada mitinqlərin dağıdılması üçün atlardan, itlərdən istifadə edildi. Fransanın özündə "sarı jiletli” hərəkatını dağıtmaq üçün polisin necə güc tətbiq etdiyi gözümüzn qarşısındadır. Hesab edirəm ki, radikal müxalifətin bu yanaşmalarının və "canfəşanlığı”nın heç bir əsası yoxdur. Onlar sadəcə olaraq balıq tutmaq sevdasına düşüblər. Amma heç bir istəkləri baş tutmayacaq. Azərbaycan xalqı bu qüvvələrin əsas niyyətini çox gözəl bilir”-deyə, E.Nəsirov vurğulayıb.

DİGƏR Xəbərlər Arxiv