YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

Akif Əlizadə: Azərbaycanda gənc alimlərə xüsusi mükafatların verilməsi nəzərdə tutulur

Azərbaycanda impakt indeksli elmi jurnallarda çox sayda məqalələr çap etdirən gənc alimlərə xüsusi mükafatların verilməsi nəzərdə tutulur. Trend-in məlumatına görə, bunu Azərbaycan Milli Elmlər Akademiyasının prezidenti Akif Əlizadə gənc alim və mütəxəssislərin I beynəlxalq konfransında çıxışı zamanı deyib.

Onun sözlərinə görə, bu məqsədlə AMEA büdcə vəsaiti hesabına müsabiqə elan etməyi planlaşdırır. AMEA-nın Rəyasət Heyəti bu yaxınlarda gənc alimlərə stimul vermək üçün mükafatları açıqlayacaq: "Biz müsabiqələr elan edirik ki, gənc alimlər üçün stimul yaransın. İmpakt indeksli elmi jurnallarda alimlərin məqalələri nə qədər çox olarsa, biz də alimlərə o qədər xüsusi mükafatalar ayırmaq niyyətindəyik".

A.Əlizadə qeyd edib ki, bu gün Azərbaycanda gənc alimlər üçün prioritet istqamətlər energetika, biotexnologiya, tibb sahəsi ola bilər.

Akademiya prezidenti hesab edir ki, bu gün gənc alimlərin imkanları çoxdur. Son 2-3 il ərzində AMEA institutlarında, elmi təşkilatlarında və digər başqa təhsil müəssisələrində sovet dövründən qalmış cihazlar yeniləri ilə əvəz edilib. Bu isə gənc alim üçün yaradılan əsas imkandır.

 

DİGƏR Xəbərlər Arxiv