Xəbərlər
İlham Məmmədov: İnkişaf proqramları yeni dövrün tələblərinə uyğun olaraq reallaşdırılır
«Ölkəmizdə bölgələrin sosial-iqtisadi inkişafı ilə bağlı proqramlar yeni dövrün tələblərinə uyğun olaraq reallaşdırılır». Bu fikri Milli Məclisin deputatı İlham Məmmədov deyib.
İ.Məmmədov bildirib ki, bu gün bölgələrin hər bir guşəsində quruculuq işlərinin aparılması, yeni yolların çəkilməsi, su və kanalizasiya xətlərinin dəyişdirilməsi, qazlaşdırmanın aparılması, məktəb, xəstəxana və digər sosial obyektlərin istifadəyə verilməsi hazırkı müasir inkişaf mərhələsinin reallıqlarıdır.
«Azərbaycan inkişaf etdikcə ölkə qarşısında yeni proqressiv meyillərə uyğun sosial-iqtisadi məsələlər meydana çıxmaqdadır. Dövlət isə bütün bu tədbirləri də perspektiv inkişaf planında nəzərə alacaq, gələcəkdə daha yeni layihələrin hazırlanaraq həyata keçirilməsinə qərar verəcək. Bütün bunlar isə Azərbaycanda Heydər Əliyev siyasətinin təntənəsini, bu siyasətin xalqımızın firəvan gələcəyinə xidmət etdiyini bir daha təsdiqləyir»-deyə, deputat qeyd edib.