Xəbərlər
Rasim Musabəyov: Ermənistan konkret sülh sazişinə baxılmasından boyun qaçırır
«Azərbaycan böyük sülh sazişinin imzalanmasına tam hazırdır». Bu fikri Milli Məclisin deputatı, politoloq Rasim Musabəyov deyib.
R.Musabəyov bildirib ki, ABŞ bu haqda çağırış etsə də, erməni tərəfi hələ heç sülh sazişinin müzakirəsinə hazır deyillər. Onun sözlərinə görə, bu vaxta kimi Ermənistan konkret sülh sazişinə baxılmasından boyun qaçırır.
«Ermənilər daim təkid edirlər ki, prinsiplər əvvəlcədən razılaşdırılsın, ardınca sazişə nə vaxtsa qoşulmaq barədə düşünmək olar. Azərbaycana isə Ermənistanın istəyi və onları bu məsələdə dəstəkləyən qüvvələrin hansısa güzəştə getməsi lazım deyil. Ölkəmizə vacib olan məsələ torpaqlarımızın tezliklə işğaldan azad edilməsidir»- deyə, deputat qeyd edib.